Atyraý oblysynda aýyl ákimderiniń saılaýy qorytyndylandy
ATYRAÝ. QazAqparat - Atyraý oblysynda aýyl ákimderiniń saılaýy qorytyndylandy, dep habarlaıdy QazAqparat.
«Aýyl ákimderiniń saılaýy bizdiń oblysta 44 aýyldyq okrýgte ótti. Saılaý - janama saılaý quqyǵymen jasyryn daýys berý túrinde ótti. Daýys berýge qalalyq jáne aýdandyq máslıhattardyń depýtattary qatysty», dep habarlady Atyraý oblystyq saılaý komıssııasynyń tóraǵasy Asaý Ibrashev Óńirlik kommýnıkatsııalar qyzmetinde.
Suraqtarǵa jaýap bere otyryp, Asaý Ibrashev saılaýǵa 48 okrýg boıynsha 135 kandıdattyń tirkelgendigin aıtty.
Ákimder saılaýynyń qorytyndysy boıynsha, 45 er azamat pen 3 áıel tańdap alyndy. Ákimderdiń jastary 35-ke deıin 7 adam, 45-ke deıin 7 adam, 55-ke deıin 14 adam, 63-ke deıin 20 adam. Saılaýǵa qatysý úshin tirkelgen is basyndaǵy 32 ákimniń 28-i óz laýazymdaryna qaıta saılandy.
