Atyraý oblysynda aýmaǵy 6 gektar kól paıda boldy

ATYRAÝ. QazAqparat – Atyraý oblysynda kútpegen jerden «Ulttyq ındýstrıaldy munaı-hımııa tehnoparki» arnaıy ekonomıkalyq aımaǵynyń aýmaǵynda kólemi 6 gektarǵa jýyq kól túzildi, dep habarlaıdy QazAparat tilshisi.

Kól Atyraýdan 30 shaqyrym jerde - Qarabatan aýdanynda paıda bolǵan. Munda «Bazıs Konstrakshn» AQ «Sý daıyndaý» jobasyn júzege asyryp jatyr. Tapsyrys berýshi – «Karabatan Utilities Solution» JShS.

«Sý synamasy alynyp, zerthanalyq taldaýǵa tapsyryldy. Qazir sý tógilgen bul aýmaqtyń kimge tıesili ekeni anyqtalyp jatyr. Nátıjesi dúısenbide daıyn bolady», - dep habarlady oblystyń ekologııa departamenti.

Sondaı-aq bul aýmaqta sý aǵyzýǵa ruqsat joq ekeni belgili boldy.

Osy aýmaqta mal jaıyp júrgen fermerlerdiń aıtýynsha, sýdan hımıkattyń ıisi shyǵady, mal kólge jaqyndamaıdy.