Atyraý oblysynda atys qarýyn zańsyz saqtaǵan 42 jastaǵy turǵyn qamaldy
ATYRAÝ. QazAqparat – Atyraý oblysynda 42 jastaǵy jigit atys qarýyn zańsyz saqtaǵany úshin qamaýǵa alyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, Qurmanǵazy aýdanynyń turǵyny úıinde qarý-jaraqty zańsyz saqtap kelgen.
«Bul derek «Qarý» jedel-profılaktıkalyq is-sharasy kezinde rastaldy. 42 jastaǵy er adam turatyn úıdi tintý kezinde odan bir dana oıyq qarýy, bir dana 5,6 mm kalıbrli patron tabylyp, tárkilendi. Tekserý kezinde atalǵan azamattyń buryn sottalǵany anyqtaldy» dep habarlady departamenttiń baspasóz qyzmeti.
Qazir kúdiktige qatysty QR Qylmystyq Kodeksiniń 287-babynyń 3-bóligimen tergeý amaldary júrgizilip jatyr.
Zańsyz qarý saqtaǵan er adam ýaqytsha ustaý ızolıatoryna qamaldy.
Eske sala ketelik, budan buryn Atyraý oblysynda zańsyz qarý saqtaǵan 6 adam jaýapkershilikke tartylǵanyn habarlaǵan edik.
