Atyraý oblysynda Astrahan-Mańǵyshlaq sý qubyrynyń jumysy qaıta jandandy
ASTANA. QazAqparat - "QazTransOıl" AQ "Astrahan-Mańǵyshlaq" sý qubyrynyń jumysy qaıta jandanǵanyn málimdedi, dep habarlady Qazaqstan qor bırjasy.
Aktsııalary Qazaqstan qor bırjasynyń (KASE) resmı tiziminde turǵan "QazTransOıl" AQ (Astana) resmı hat arqyly kelesi málimdeme jasady:
6 tamyzda saǵat 19:47 mınýtta (Astana ýaqyty boıynsha) Astrahan-Mańǵyshlaq sý qubyrynyń jumysy qaıta jandandy.
Tutynýshylarǵa aýyz sý qalypty tehnologııalyq rejimde jetkizilip jatyr. «2015 jyldyń 5 tamyzynda saǵat 3.20-da (Astana ýaqyty boıynsha) «Astrahan-Mańǵyshylaq» magıstraldyq sý qubyrynyń jumysy onyń jelilik boliginiń 455,5 km.-de sýdyń shyǵýy saldarynan toqtatylǵan bolatyn. Qazirgi ýaqytta «QazTransOıl» AQ sý qubyrynyń tehnologııalyq qalpyn qaıta keltirý men sý ótkizýdi qaıta jandandyrý úshin shuǵyl túrde tıisti sharalar qoldanyp, jóndeý jumystaryn júrgizýde», - dep habarlady «QazTransOıl» AQ baspasóz qyzmetinen.
Turǵyndar men ónerkásip oryndary sanynyń ósýine baılanysty qazirgi ýaqytta jetkizilip jatqan sý kólemi jetkiliksiz. Jaqyn arada Qashaǵan ken ornynda munaı óndirý bastalyp, «Bolashaq» zaýyty iske qosylady, Teńiz ken orny keńeıip, Atyraý oblysynda Qazaqstandaǵy tuńǵysh gazhımııalyq kesheni salynýda. Bul úshin kóp kólemde sý kerek. Sondyqtan sý qubyryn Mańǵyshylaqqa deıin keńeıtý kózdelgen. Jańa nasostyq stansalar salyndy, qoldanystaǵy stansalar qalypqa keltirilýde. Munaıshylardyń aıtýynsha, bul «QazTransOıl» AQ úshin bıznes-joba emes, bul áleýmettik joba.
«Qıǵash» JÓDS tazartý qondyrǵylary bar «Astrahan-Mańǵyshylaq» magıstraldyq sý qubyryna qyzmet kórsetedi. JÓDS sýmen jabdyqtaý kózi Qıǵash aǵysy - Volga ózeniniń shyǵys tarmaǵy. Tehnologııalyq syzba sýdy tasymaldaý boıynsha kelesi tapsyrmalarǵa negizdelip qurylǵan: sý tartý; sýdy zararsyzdandyrý; sýdy tasymaldaý; sý taratý jelisiniń jelilik bóliginiń jumysyn qoldaý; tehnologııalyq jáne qosymsha jabdyqty jóndeý jáne retke keltirý.
