Atyraý oblysynda Astrahanǵa aparatyn kúre joldyń qurylysyna daıyndyq bastaldy
ATYRAÝ. QazAqparat - Atyraý oblysynda Astrahanǵa aparatyn kúre joldyń qurylysyna daıyndyq jumystary bastaldy, dep habarlaıdy «QazAqparat» HAA.
«Qazirgi kezde biz Qurmanǵazy aýdanynda vahtalyq kent saldyq, Atyraý-Astrahan kúre joly qurylysy kezinde onda 300 adam turatyn bolady. Sondaı-aq munda asfalt jáne tsement-beton zaýytynyń qurylys jumystary bastalyp ketti, jol tehnıkasy, materıaldar jetkizilip jatyr. Jumys kóktemde, aýa raıy qolaıly bolǵan kezde bastalady. Reseı Federatsııasynyń shekarasynan Atyraý baǵytynda alǵashqy 60 shaqyrym joldy salamyz», - dep málimdedi Atyraý-Astrahan kúre joly qurylys jobasy bastyǵynyń orynbasary Berdibek Ómirbekov.
Kelisimshart boıynsha, 60 shaqyrym joldyń qurylysyna 26 aı belgilengen.
