Atyraý oblysynda ashyq teńizde úsh táýlik boıy qalyp qoıǵan balyqshy qutqaryldy
ATYRAÝ. QazAqparat - Atyraý oblysynda ashyq teńizde úsh táýlik boıy qalyp qoıǵan balyqshy qutqaryldy, dep habarlaıdy «QazAqparat» HAA tilshisi.
«Qulsary qalasynyń 1964 jylǵy turǵyny 6 shilde kúni aspaly motorly qaıyqpen Kaspıı teńizine attanady. 7-si kúni ol úıine oralmaıdy. 8 shildede onyń týystary TJ departamentine joǵalǵany týraly ótinish túsiredi. Olar ótinishti keshke túsirgendikten, tikushaqty áýege jiberý múmkin bolmady. Jaǵalaýdy áýeden baqylaý 9 shilde kúni tańǵy saǵat 5.50-de bastaldy», - dep habarlady Atyraý oblystyq TJ departamenti.
Keıin joǵalǵan adamy bar qaıyq qamystardyń arasynan tabyldy. Arnaıy jabdyqtardyń kómegimen ol áýe kemesiniń bortyna kóterilip, qurǵaq jerge jetkizildi. Balyqshy aýrýhanaǵa jatýdan bas tartty.
.
