Atyraý oblysynda asfalt-beton zaýyty salynady
ATYRAÝ. QazAqparat - Atyraý oblysy Jylyoı aýdanynda jeńildikti nesıege jańa asfalt-beton zaýyty salynady, dep habarlaıdy «QazAqparat» HAA tilshisi.
«Jobany «Bıznestiń jol kartasy 2020» memlekettik baǵdarlamasy aıasynda «Ómirzaq servıs» jergilikti kásiporny júzege asyrady. Zaýytty salý úshin kásiporyn ekinshi deńgeıli bankterdiń birinen 465 mln teńge nesıe alǵan, onyń protsentik mólsherlemesin memleket sýbsıdııalaıdy», - dep habarlady Jylyoı aýdandyq kásipkerlik jáne týrızm bóliminiń basshysy Qanat Myńbaev.
Qazirgi tańda asfalt óndirisi úshin jabdyqtardy montajdaý jumystary aıaqtalyp, beton óndirisi úshin jabdyqtardy ornatý jumystary jalǵasýda. Bolashaq zaýyttyń qýattylyǵy saǵatyna - 100 tonna asfalt jáne 50 tonna beton. 50 adam jumyspen qamtylady.
