Atyraý oblysynda asa iri mólsherde qarjy jymqyrǵandar ustaldy
Qarjy monıtorıngi agentiginiń Atyraý oblysy boıynsha aýmaqtyq departamentinde «Atyraý oblysy Qurylys basqarmasy» MM-nyń laýazymdy tulǵalary men «Tehnıka-Rem stroı» JShS-niń basshysyna qatysty sotqa deıingi tergeý júrip jatyr.
Kúdiktiler áleýmettik nysandardyń (mektep, 2 otbasylyq dárigerlik ambýlatorııa, sporttyq-saýyqtyrý kesheni) qurylysyna bólingen asa iri mólsherdegi bıýdjet qarajatyn jymqyrý deregimen ustaldy. Seriktestik basshysyna qatysty «kúzetpen ustaý» bultartpaý sharasy qoldanyldy.
Qylmystyq is sheńberinde Atyraý oblysy Qurylys basqarmasy basshysynyń burynǵy orynbasary (qazirgi tańda Atyraý oblysy Densaýlyq saqtaý basqarmasy basshysynyń orynbasary) Qylmystyq-protsestik kodekstiń 128-babyna sáıkes ustalyp, Atyraý qalalyq polıtsııa basqarmasynyń ýaqytsha ustaý ızolıatoryna qamaldy.
Ózge aqparat Qylmystyq-protsestik kodekstiń 201-babyna sáıkes jarııalaýǵa jatpaıdy.
Eske sala ketelik, buǵan deıin Atyraý oblystyq densaýlyq saqtaý basqarmasy bastyǵynyń orynbasary qamalǵany habarlanǵan edi.