Atyraý oblysynda asa aýyr qylmystardyń ashylýy 100 paıyzdy qurady
ASTANA. QazAqparat - QR Іshki ister mınıstriniń orynbasary, polıtsııa general-maıory Berik Bısenqulovtyń qatysýymen Atyraý oblystyq ishki ister departamentinde 2016 jyldyń qyzmetin qorytyndylaýǵa arnalǵan jedel jıyn ótti, dep habarlaıdy QazAqparat.
Mınıstrlik baspasóz qyzmetiniń aqparatyna qaraǵanda, jıynda aımaqtaǵy polıtsııanyń jedel qyzmetiniń qorytyndysy jáne ishki ister organdarynyń keleshektegi basym mindetteri týraly másele qarady.
Onda Atyraý oblystyq ІІD bastyǵy, polıtsııa polkovnıgi Aıan Dúısembaev óńirdegi jedel ahýalǵa toqtaldy.
Departament basshysynyń aıtýynsha, Atyraý oblys aýmaǵyndaǵy jedel jaǵdaı turaqty. Qylmystyq quqyq buzýshylyqtar, aýyr jáne asa aýyr qylmystar, sondaı-aq, zorlaý, tonaý, alaıaqtyq, buzaqylyq, mal urlyǵy jáne avtokólikterdi zańsyz aıdap áketý qylmystarynyń sany tómendegen. Sonymen qatar, qoǵamdyq oryndar men kóshelerde jáne qarýdy qoldanýmen jasalǵan qylmys sany da azaıdy. Qabyldanǵan jedel aldyn alý sharalardyń nátıjesinde qylmystardyń ashylý deńgeıi kóterildi. Asa aýyr, adam óltirý, zorlaý, mal urlyǵynyń aýyr túri jáne avtokólikterdi zańsyz aıdap áketý qylmystarynyń ashylýy 100 paıyzdy qurady. Jalpy 2016 jyly jol-kólik oqıǵasy 18,8 paıyzǵa tómendedi. Jol apatynan 79 adam qaza tapty. Ótken jyly 70 adam mert bolǵan edi. Jol apatynan jaraqat alǵandar sany da 12,5 paıyzǵa azaıdy. Respýblıkalyq mańyzy bar joldarda da oryn alǵan jol apaty 23,6, qaza tapqandar 27,9, jaraqat alǵandar 13,3 paıyzǵa tómendedi.
Dúısembaev oblystaǵy krımınogendik ahýaldyń turaqtylyǵyna polıtsııa qyzmetiniń materıaldyq- tehnıkalyq bazasyn kúsheıtý de yqpal etetindigin atap ótti. Aǵymdaǵy jyly oblys ákiminiń qoldaýymen ІІD-niń jańa ǵımaratyn salýǵa jergilikti bıýdjetten 5,73 mlrd. teńge, Qurmanǵazy AІІB-ne jáne Qulsary qalasyna Jedel basqarý ortalyǵyn salýǵa, sonymen qatar, respýblıkalyq jáne oblystyq mańyzy bar joldarda 5 statsıonarlyq polıtsııa tiregin salýǵa, erekshe quraldardy alýǵa jáne Jergilikti polıtsııa qyzmetiniń materıaldyq bazasyn nyǵaıtýǵa qarajat bólindi. Jınalysta ІІD bastyǵynyń orynbasarlary, qala, aýdan ІІB basshylarynyń da baıandamalary tyńdaldy.
Jedel jıynda B.Bısenqulov jeke quramǵa Elbasy N.Nazarbaevtyń ІІM-de iske asyrylýy tıis sharalary týraly tapsyrmasyn atap ótip, oblystyń ІІD basshylyǵy men onyń aýmaqtyq bólinisterine ishki ister organdarynyń qyzmetiniń barlyq baǵyty boıynsha naqty mindetter, sonyń ishinde qoǵamdyq tártipti qorǵaý, qylmys pen quqyq buzýshylyqtardy anyqtaý, ashý jáne tergeý, onyń aldyn alý, jeke quramnyń tártibin kúsheıtý sharalary boıynsha tapsyrmalar berdi.
«Polıtsııa qyzmetindegi negizgi baǵyt - azamattardy qylmystyq áreketterden senimdi túrde qorǵaý jáne quqyqtyq tártipti joǵary deńgeıge kóterý»,- dep atap kórsetti Bısenqulov.
Sonymen qatar mınıstrdiń orynbasary aımaqtaǵy urlyqqa qarsy is-qımyl, uıymdasqan qylmysqa qarsy kúresti jandandyrý, qoǵamdyq oryndar men kóshelerdegi tártipti kúsheıtý qajettigine basa nazar aýdardy. Raqymshylyqqa baılanysty jazasyn óteýden bosatylǵandardy oqytý men jumysqa ornalastyrý máselelerine de basa nazar aýdarý qajettigin eskertti.
