Atyraý oblysynda arnaıy arheologııalyq jasaqtar qurylyp jatyr
ASTANA. QazAqparat - Jastardyń jazǵy demalysyn tıimdi uıymdastyrý maqsatynda, Atyraý oblysynda «Jasyl El», «Qurylys» jáne arnaıy arheologııalyq jasaqtar jumys isteıtin bolady.
Bul týraly Óńirlik kommýnıkatsııalar qyzmetinde ótken baspasóz máslıhatynda Atyraý oblysy jastar saıasaty máseleleri basqarmasynyń basshysy Jasulan Bısembıev málim etti.
Aıta keter jaıt, arheologııalyq jasaqtar Halel Dosmuhamedov atyndaǵy Atyraý memlekettik ýnıversıtetimen birlese jumys isteıdi.
«Stýdentter jaz mezgilinde «Saraıshyq qazba alańdary», «Qarabaý qorǵandary», «Tas keshý - Kerýen saraı» qazba nysandarynda arheologııalyq jumystardy júrgizetin bolady. Jalpy, jastar jasaqtaryna bıylǵy jyly oblys boıynsha 2000 adam tartylady. Bul maqsatta jergilikti bıýdjetten 97 770 mln teńge, respýblıkalyq transfert esebinen 39 482 mln teńge kóleminde qarjy bólindi», - dep atap ótti basqarma basshysy.
Baıan Januzaqova
