Atyraý oblysynda arnanyń muzy oıylyp, áıel adam sýǵa batyp ketti
ATYRAÝ. QazAqparat – Atyraýda eki kún ishinde úsh adam sýǵa batyp ketti, dep habarlaıdy QazAqparat tilshisi.
Oblystyq TJD baspasóz qyzmetiniń habarlaýynsha, keshe Baqsaı arnasynan 1971 jylǵy Tańdaı aýyly turǵynynyń denesi tabyldy. Aýyl turǵyndarynyń aıtýynsha, áıel adam juqa, erigen muz ústinen arnany kesip ótpek bolǵan. Alaıda muz jarylyp, ol sý astyna ketken.
Eske sala keteıik, 4 aqpan kúni qutqarýshylar Jaıyq ózeninen eki adamnyń denesin tapqan bolatyn.
Óńirlik TJD baspasóz qyzmetiniń málimetinshe, muz astynda adamnyń denesi kórinip jatqany týraly habarlama kelip túsken. Oqıǵa ornyna súńgýirler jetip, sýdan áıel adamnyń denesin alyp shyqty.
Ózen jaǵasynda bos kólik turǵan. Qutqarýshylarda «júrgizýshi de sýǵa ketti me» degen kúdik paıda bolady. Olar sol mańdy qaraý barysynda ózennen er adamnyń máıiti tapty.
Aıta ketsek, Atyraýda qazir kún jyly, birneshe kúnnen beri jańbyr jaýyp tur. Jaıyq ózeninde muz erip ketken.
Jyl basynan beri Atyraý oblysynda alty adam, onyń ishinde úsh bala jáne úsh eresek adam sýǵa batyp ketken.
Avtory A. Sokolov
