Atyraý oblysynda árbir úshinshi adam PTR testileýden ótken

ATYRAÝ. QazAqparat – Atyraý oblysynda PTR testiden 233​ 319 adam ótken. Bul týraly oblystyń bas memlekettik sanıtar dárigeri Asylbek Sharov málim etti, dep habarlaıdy QazAqparat.

«Oblys kóleminde COVID-19 ınfektsııasyn anyqtaý úshin 233 319 PTR-test jasaldy. Sonyń nátıjesinde 11 023 jaǵdaı rastalyp otyr. ​Atyraý oblysy – test ótkizýden elimizdegi aldyńǵy oryndaǵy óńirlerdiń biri. Sondyqtan statıstıkaǵa súıener bolsaq, oblystyń árbir úshinshi turǵyny test tapsyrǵan deýge bolady. Biraq, jumys barysymen bizdiń óńirde júrgen ózge óńir azamattary da bar. Alaıda olar bizdiń oblystyń statıstıkasyna endi»,​ - deıdi Atyraý oblystyq taýarlar men qyzmetterdiń sapasy men qaýipsizdigin baqylaý departamentiniń basshysy-bas memlekettik sanıtar dáriger Asylbek Sharov.

Onyń aıtýynsha, Atyraý oblysynda PTR ádisi arqyly zertteý júrgizetin 2 memlekettik, 4 jekemenshik zerthana, sondaı-aq, Teńiz kenishinde eki zerthananyń fılıaldary jumys isteıdi.

Qazir aımaqtaǵy PTR ádisimen COVID-19 testileý jasaıtyn zerthanalar qorynda 161 682 test synamasy bar. Taǵy 126 700 test synamasyn alý josparlanyp otyr