Atyraý oblysynda aptap ystyqqa baılanysty eskertý jarııalandy
ATYRAÝ. QazAqparat - Atyraý oblysynyń turǵyndaryna 40 gradýstyq ystyq bolatyny eskertildi, dep habarlaıdy QazAqparat tilshisi.
Atyraý oblysy tótenshe jaǵdaılar departamentiniń málimdeýinshe, 11 shilde kúni aptap ystyq óńirge qaıta oralady.
Jekelegen aýdandarda kóleńkedegi aýa temperatýrasy 40 gradýsqa jetedi.
Oblystyq TJD ashyq jerde júretinderge bas kıim kıip, sý ala júrýge keńes beredi.
Eske sala keteıik, maýsym aıynyń aıaǵynda oblysta aýa temperatýrasy kóleńkede 43, ashyq jerde 50 gradýsqa deıin jetken bolatyn.
