Atyraý oblysynda alımentke qaryz azamat júrgizýshi kýáliginen aıyryldy
ATYRAÝ. QazAqparat - Atyraý oblysynda alımentke qaryz azamatty júrgizýshi kýáliginen aıyrdy, dep habarlaıdy QazAqparat.
«Inder aýdandyq sotyna aýdan aımaǵy sot aktilerin oryndaý bóliminiń sot oryndaýshysy usynys túsirdi. Onyń sózinshe, er azamattyń alımentke 1 mln 334 myń teńge kóleminde bereshegi bar. Ol sot sheshimi bar ekendigine qaramastan qaryzyn ótemeı otyr. Bereshek azamattyń jeke kóligi bar. Sot oryndaýshysy sottan alımentke qaryz azamattyń bereshegin tolyq ótemeıinshe, júrgizýshi kýáliginiń kúshin joıýdy surady»,-dep habarlady Inder aýdandyq sotynyń baspasóz qyzmeti.
Usynylǵan qujattardy muqııat zerdelegen sot sot oryndaýshysynyń usynysyn qanaǵattandyrdy. Boryshker azamattyń kólik júrgizýge quqyq beretin júrgizýshi kýáliginiń kúshi qaryz tolyq tólengenge joıyldy.
