Atyraý oblysynda alǵys aıtý kúni atalyp ótti
Saltanatty sharada Atyraý oblysynyń ákimi Nurlan Noǵaev bul kúnniń barlyq qazaqstandyqtar úshin mańyzdylyǵyna toqtalyp, elimizdegi san túrli ult pen ulys ókilderiniń Alǵys aıtý kúninde darhan kóńilmen qabyldaǵan qazaq jerine rızashylyqtaryn bildiretinin atap ótti.
«Halqymyz qıyn kezeńderde qanshama adamdardy qabyldady, olarǵa Qazaqstan týǵan úılerindeı bolyp ketti. Memleket basshysynyń saıasaty barlyq etnostardyń teń quqyly bolýyna negizdelgen. Elimizdegi turaqtylyq, ultaralyq kelisim - memleketimizdiń tabysy. Bul iste barshańyzdyń úlesińiz bar», -dedi Nurlan Noǵaev. 
Oblys ákimi óńirdegi 20 etnomádenı birlestiń jetekshilerine rızashylyq bildirdi. Qazaqstan halqy Assambleıasynyń etnostardyń mádenıetin, birligin damytýǵa qosyp júrgen úlesi zor ekenine toqtaldy.
«Bul bizge aldymyzda turǵan mindetterdi oryndaýǵa múmkindik beredi. Muny Prezıdent Nursultan Nazarbaev «Nur Otan» partııasynyń sezinde de aıryqsha atap ótti. Úkimettiń, jergilikti atqarýshy organdardyń basty mindeti-azamattarǵa áleýmettik qoldaý kórsetý, ál-aýqatyn arttyrý. Elbasynyń barlyq tapsyrmalaryn oryndaý memleketimizdiń ekonomıkalyq damýyna jol ashady. Buǵan bizde múmkindik mol», - dep atap ótti Nurlan Noǵaev.
Búginde Qazaqstanda barlyq ult ókilderiniń salt-dástúrleri men mádenı qundylyqtaryn iske asyrýǵa múmkindik bar. Qazaq jerinde ómir súrip jatqan etnostardyń ortaq maqsaty - dostyq, ózara kelisim, toleranttyq.
Saltanatty shara sońynda merekelik kontsert pen teatrlandyrylǵan qoıylym boldy.
