Atyraý oblysynda áleýmettik jelidegi rolık úshin sheneýniktiń qyzmetin tómendetedi

ATYRAÝ. QazAqparat - Áleýmettik jelide Atyraý oblysy Mahambet aýdany ákiminiń orynbasary Malık Amanov túsirilgen rolıktiń taralýy kesirinen onyń qyzmetin tómendetedi, dep habarlaıdy «QazAqparat» HAA tilishisi.

Eske sala keteıik, áleýmettik jelige polıtsııa patrýliniń memlekettik nómirsiz júrgen traktordy toqtatqany jarııalanǵan. Keıin anyqtalǵandaı, traktor aýdandyq ákimdikke tıesili bolyp shyqty. Traktorshy telefonmen aýdan ákiminiń orynbasaryn shaqyrady. Al, ol jergilikti polıtsııa bastyǵynan kómek suraǵan.

Polıtsııa bastyǵy mán-jaıdy suramastan, hattamany jyrtyp tastap, ony toltyrǵan qyzmetshilerge beıádep sózder aıtyp, til tıgizgen.

Aýdan ákiminiń áreketi jergilikti atqarýshy organdardyń, memlekettik organdardyń ortalyq aýmaqtyq bólimsheleri  birinshi basshylarynyń qatysýymen ótken etıka boıynsha keńes otyrysynda talqylandy.

ІІD Mahambet aýdandyq óz qaýipsizdigin baqylaý basqarmasy jergilikti polıtsııa bastyǵyna qatysty qyzmettik tergeý jumystaryn jalǵastyrýda.