Atyraý oblysynda aldaǵy jyly jel elektr stansasy iske qosylady
ATYRAÝ. QazAqparat – Atyraý oblysynda aldaǵy jyly jel elektr stansasy iske qosylady, dep habarlaıdy QazAqparat.
Maqat aýdanynyń ákimi Shákir Keıkınniń aıtýynsha, jel elektr stansasyn 2022 jyly iske qosý josparlanǵan.
«Nysan qurylysy «Atyraý – Maqat» baǵytyndaǵy tas joldyń boıynda ornalasqan. Qazir onyń qurylysyna 12 adam jumysqa tartylǵan. Joba qurylysy aıaqtalǵannan keıin 50 adamdy turaqty jumyspen qamtý kózdelip otyr», -deıdi Shákir Keıkın.
Jelden elektr qýatyn jınaıtyn stansa qurylysy úshin 500 gektar jer ýchaskesi bólingen. Stansaǵa árqaısysy 2 MVt energııa óndiretin 24 qondyrǵyny ornatý kózdelgen. Jel týrbınalarynyń bıiktigi –106, vınt uzyndyǵy – 43 metr.
Eske sala ketelik, buǵan deıin Atyraý oblysynda Tuzdykól jaǵasynda shıpajaıdyń qurylysy bastalǵanyn jazǵan edik.
