Atyraý oblysynda ákimdikter Ashyq jobasyna qosyldy

ATYRAÝ. QazAqparat – Atyraý oblysynyń ákimdikteri «Ashyq» jobasyna qosyldy, dep habarlaıdy QazAqparat.

Oblys ákiminiń baspasóz qyzmetinen málim etkendeı, budan oblystyq ákimdigine qyzmetkerler men kelýshiler «Ashyq» baǵdarlamasyn qoldanyp, koronovırýsqa qatysty mártebesin kórsetý arqyly kire alady.

«Bul talap Atyraý qalalyq, aýdandyq jáne aýyldyq okrýg ákimdikterinde de júzege asyrylady. Mundaǵy maqsat – adamdardyń saýlyǵyn saqtap, qaýipsizdigin qamtamasyz etý», -dep málim etti ákimdikten.

Baspasóz qyzmetiniń aqparatyna súıensek, «qyzyl» aımaqtaǵy óńirde koronavırýs ınfektsııasy órship, oblystaǵy epıdemıologııalyq ahýal kúrdelengen.

«Atyraý oblysynda sáýir aıynan beri «Ashyq» baǵdarlamasyna kásipkerler tarapynan 812 ótinish túsken. Onyń ishinde 781 nysanǵa QR-kod berilgen. Kelýshilerdi tirkemegeni úshin 13 nysan baǵdarlamadan eki aptaǵa shyǵaryldy. Al, 577 kásipkerlik nysany testtik rejımnen ótken» -dep habarlady ákimdiktiń baspasóz qyzmeti.

Eske sala ketelik, budan buryn Atyraýda koronavırýs juqtyrǵandar rezervtegi jataqhanaǵa ornalastyrylyp jatqanyn habarlaǵan edik.