Atyraý oblysynda AITV juqtyrǵandar sany artyp keledi

ATYRAÝ. QazAqparat - Atyraý oblysynda AITV juqtyrǵandar sany artyp keledi. Bul týraly brıfıng barysynda JITS ortalyǵynyń meńgerýshisi Aıagóz Ábilǵazıeva aıtty, dep habarlaıdy QazAqparat.

«Óńirde AITV juqtyrǵandar sany jyl saıyn artyp keledi. Eger ótken jyly 4 aıda AITV 12 adamnan anyqtalǵan bolsa, bıyl osy merzimde 27 jaǵdaı tirkelgen. Sońǵy 30 jylda JITS-ten 13 adam qaıtys boldy, 293 adam dıspanserlik esepte tur. 2022 jyly ınfektsııa juqtyrǵandardyń arasynda 11,3% nemese 3 adam ınfektsııany esirtki qabyldaý kezinde juqtyrǵan, 51,8% nemese 14 jaǵdaı geteroseksýaldarǵa, 18,5% nemese 5 jaǵdaı gomosesýaldarǵa tıesili. Ózge jaǵdaılarda vırýs medıtsınalyq emes manıpýlıatsııa jaǵdaıynda juqqan»,-dedi Aıagóz Ábilǵazıeva.

Onyń málimetterinshe, AITV juqtyrǵandardyń jasy 15-49 aralyǵynda. Basym bóligi er adamdar.