Atyraý oblysynda adamdar kóp jınalatyn is-sharalarǵa tyıym salyndy
Bul oblystyń bas memlekettik sanıtar dárigeri Mádenıet Tanaýovtyń «Atyraý oblysynyń karantındik shekteý sharalaryn kezeń-kezeńimen jeńildetý týraly» jańa qaýlysynda aıtylǵan.
«Oblys turǵyndarynyń alańdarda, skverlerde, jaǵalaýlarda, saıabaqtarda jáne ózge de demalys oryndarynda bir otbasy múshelerin qospaǵanda, 3 adamnan astam top bolyp jınalýyna, oıyn-saýyq, saltanatty, eske alý, otbasylyq (banketter, úılený toılary, mereıtoılar), onyń ishinde úıde ótkiziletin is-sharalarǵa jáne «Ashyq» jobasyna qatysýshylardy eseptegemende, adamdar kóp jınalatyn is-sharalarǵa tyıym salynsyn», -delingen qujatta.
Jańa qaýly qol qoıylǵan kúnnen bastap zańdy kúshine enedi.
Eske sala ketelik, budan buryn Atyraý oblystyq sanıtarııalyq-epıdemıologııalyq baqylaý departamenti basyshsynyń orynbasary Álııa Bekesheva shekteýler alynǵanymen, saqtyq sharalaryn umytpaý kerektigin aıtqan edi.
