Atyraý oblysynda «A» korpýsyna qujat tapsyrǵan 26 adamnyń 2-ýi testileýden ótti

ASTANA. QazAqparat - 26 qyrkúıekte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysynyń departamenti Memlekettik qyzmetshilerdi qaıta daıarlaý jáne olardyń biliktiligin arttyrý óńirlik ortalyǵy bazasynda «A» korpýsynyń memlekettik ákimshilik qyzmetiniń kadr rezerviniń kandıdattaryna arnalǵan QR zańnamasyn oqytý boıynsha qysqa merzimdi kýrstar uıymdastyrdy, dep habarlaıdy QazAqparat.

Oqytý barysynda departamenttiń basshysy Ádep jónindegi keńes tóraǵasy T.Jumaǵulov, sondaı-aq lektorlar zańdardyń negizgi normalary men erejelerine naqty toqtalyp, slaıd materıaldaryn kórsete otyryp lektsııa oqydy. Sońynda kýrsqa qatysýshylar alǵan bilimderin tekserý úshin QR zańnamalary boıynsha synamalyq test tapsyrdy. Atalǵan kýrstar 27 qyrkúıekke deıin jalǵasty.

Aıta keterligi, 4 - 15 qyrkúıekte QR Prezıdenti janyndaǵy Kadr saıasaty jónindegi ulttyq komıssııasy «A» korpýsynyń memlekettik ákimshilik qyzmetiniń kadr rezervine irikteý jarııalaǵan bolatyn jáne oǵan Atyraý oblysy boıynsha 26 kandıdat qujat tapsyrdy. Qazirgi ýaqytta 26 kandıdattyń 2-ýi testileý kezeńinen sátti ótip, kelesi kezeń áńgimelesýge jiberildi, dep habarlaıdy QR Memlekettik qyzmet isteri jáne sybaılas jepmqorlyqqa qarsy is-qımyl agentti Atyraý oblysy boıynsha departamentiniń baspasóz qyzmeti.