Atyraý oblysynda 9 bas qara mal urlaǵan qylmystyq top ustaldy
ATYRAÝ. QazAqparat – Atyraý oblysynda 9 bas qara mal urlaǵan qylmystyq top ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, mal urlyǵy qylmysynyń aldyn alý, ashý baǵytyndaǵy sharalar kúsheıtilgen.
«Jaqynda jedel izdestirý is-sharasy kezinde aqpan, qazan, jeltoqsan aılarynda Mahambet aýdanynyń Eńbekshil aýyldyq okrýgine qarasty jaıylymnan mal urlap júrgen qylmystyq top ustaldy. Top quramynda Mahambet jáne Qurmanǵazy aýdandarynyń 38 ben 52 jastaǵy eki turǵyny bolǵan. Olar 2 sıyr, 2 túıe, 5 jylqyny urlaǵan. Qazir ustalǵandar ýaqytsha ustaý ornyna qamaýǵa alyndy. Tergeý isi jalǵasyp jatyr» -dep habarlady departamenttiń baspasóz qyzmeti.
Eske sala ketsek, buǵan deıin Atyraýda túngi tynyshtyqty buzǵan 1500 adam jaýapkershilikke tartylǵanyn jazǵan edik.
