Atyraý oblysynda 9,4 myń medıtsına qyzmetkeri eńbek etedi
ATYRAÝ. QazAqparat - Atyraý oblysynda jyl basynan bastap dárigerler 122 myń adamnyń ómirlerin saqtap qalǵan. Bul kórsetkish ótken jylmen salystyrǵanda 22 myń adamǵa artyq, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Qurmanǵazy atyndaǵy mádenıet saraıynda ótken medıtsına qyzmetkerlerine arnalǵan merekelik is-shara kezinde 40 medıtsına qyzmetkeri medal, dıplommen marapattaldy. Búgingi kúnde jergilikti dərigerlerdiń arqasynda kólik apattarynan, órt pen basqada apattardan myńdaǵan adamdar qutqarylǵan.
2017 jyldyń besinshi aıynda «103» qyzmetine 100 myń qońyraýǵa qyzmet kórsetilgen bolsa, 2018 jyldyń basynan bastap 122 myń adamnyń ómirin saqtap qaldy.
Atyraý oblysy ákiminiń orynbasary Álibek Nəýtıev medıtsına qyzmetkerlerine ózderiniń mindetterin oryndaý kezinde kórsetiletin qyzmetteri úshin, jaýapkershilik pen densaýlyq saqtaýda qosqan úlesteri úshin alǵysyn bildirdi.
«Múmkin, adam ómirinde mańyzdylyǵy dáriger mamandyǵynan góri úlken ról atqaratyn álemde kásip joq shyǵar. Búgingi tańda Qazaqstan medıtsına salasynyń damýy úshin jáne medıtsına qyzmetiniń joǵarǵy deńgeıde bolýy úshin barlyq jaǵdaılar jasalýda. Óńirimizdegi kórsetiletin medıtsına qyzmetin arttyrý úshin, dərigerlerimizdiń shet elderde oqyp kelip, jańa qurylǵylarmen jumys jasaýlaryna múmkindik bar. Sizder tek qana fızıkalyq túrde emdemeı, jan-tənderińizben emdeısizder. Bolashaqqa kúsh pen senim beresizder»,- dedi quttyqtaý sózinde Əlibek Ibatollauly.
Medıtsına salasynyń úzdik ókilderin marapattaǵannan keıin, shara sońy kontserttik baǵdarlamaǵa ulasty.
Aıta ketý kerek, búgingi tańda Atyraý oblysynda 9 400 medıtsına qyzmetkeri eńbek etedi. Onyń ishinde 1300 dáriger, qalǵandary orta deńgeıdegi qyzmetkerler.
