Atyraý oblysynda 842 otbasyǵa ataýly áleýmettik kómek taǵaıyndaldy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń málimetinshe, jyl basynan beri 842 otbasyndaǵy 4841 adam áleýmettik kómek alǵan. Onyń ishinde 3942 adamǵa shartty, 963 adamǵa shartsyz aqshalaı kómek berilgen.
«Memleket tarapynan beriletin ataýly áleýmettik kómektiń eki túri bar. Biri – shartty, ekinshisi – shartsyz áleýmettik kómek. Shartsyz ataýly áleýmettik kómek otbasynda eńbekke qabiletti adamy bolmasa nemese jumyspen qamtýǵa járdemdesý sharalaryna qatysýǵa múmkindigi shekteýli, tabysy az otbasylarǵa taǵaıyndalady. Al, shartty ataýly kómek jumyspen qamtý sharalaryna qatysa alatyn tabysy az otbasylarǵa beriledi», - dep habarlady Azamat Mámbetov.
Onyń aıtýynsha, ataýly áleýmettik kómektiń shartty aqshalaı túrin alýshylardyń arasynda eńbekke qabiletti 1 102 adam bar. Onyń 22-si táýelsiz qyzmetker bolsa, 132-si jumyspen qamtý ortalyǵynda jumyssyz retinde tirkelgender. Al, 358 adamqazir bala kútimimen otyrǵan analar. Sondaıa-aq, 590 adam jumys istep júr.
«Jumyssyz esebine tirkelgen 132 adamnyń 40-tan astamy turaqty jumysqa ornalasty. Al, 80 adam qoǵamdyq jumysqa, 10 adam áleýmettik jumysqa jiberildi. Bulardan bólek kásipkerlik bastamalardy qamtamasyz etý jobasyna 3 adam, kásibı biliktiligin arttyrý kýrsyna 1 adam qatysýda», -dep málim etti A.Mámbetov.
Sondaı-aq, ataýly áleýmettik kómek alatyn otbasylardyń 1-6 jas aralyǵyndaǵy 1347 balasy qosymsha tólem taǵaıyndalǵan.
Eske sala ketelik, buǵan deıin Atyraýda 1 myńǵa jýyq adam «Otbasynyń tsıfrlyq kartasymen» áleýmettik kómek alǵanyn jazǵan bolatynbyz.
