Atyraý oblysynda 84 sábıge «Súıinshi» syıqoraby tabys etildi

ATYRAÝ. QazAqparat – Atyraý oblysynda Táýelsizdiktiń 30 jyldyq merekesi kúnderinde ómirge kelgen 84 sábıge «Súıinshi» syıqoraby tabys etildi, dep habarlaıdy QazAqparat.

«Azamattarǵa arnalǵan úkimet» memlekettik korporatsııasy» KeAQ-nyń Atyraý oblysy boıynsha fılıalynyń dırektory Mýsa Haırýllıevtyń aıtýynsha, 84 sábıge tabystalǵan «Súıinshi» syıqorabynda Prezıdent Qasym-Jomart Toqaevtyń quttyqtaý tilegi jazylǵan ashyq hat, «Táýelsiz Qazaqstanǵa 30 jyl» monetasy men balanyń týýy týraly kýáligi salynǵan.

«Prezıdenttiń quttyqtaý hatynda «Aınalaıyn, bóbek! Seniń týǵan kúniń elimizdiń eń basty merekesimen tuspa-tus keldi. Óziń dúnıe esigin ashqan kezde halqymyz qasterli Táýelsizdiginiń 30 jyldyǵyn atap ótip jatty. Saǵan baqytty ári uzaq ǵumyr tileımin!» dep jazylǵan. Bul quttyqtaý hat 16 jáne 17 jeltoqsanda týǵan balalardyń elge adal

qyzmet etetin otanshyl bolyp ósýine yqpal etedi. Atyraý oblysynda osyndaı «Súıinshi» syıqorapty 84 sábıge tabystadyq. Mereke kúnderi Atyraý qalasynda 73, Jylyoı aýdanynda 4, Qyzylqoǵada – 3, Qurmanǵazyda – 2, Maqatta – 1, Inder aýdanynda 1 náreste ómirge keldi», - deıdi Mýsa Haırýllıev.

Eske sala ketelik, buǵan deıin Atyraý oblysynda Táýelsizdik merekesi kúnderi 56 sábı

ómirge kelgenin habarlaǵan bolatynbyz.