Atyraý oblysynda 84 adam atys qarýyn saqtaý tártibin buzǵan

ATYRAÝ. QazAqparat – Atyraý oblysynda atys qarýyn saqtaý tártibin buzǵan - 84, qarýyn tirkemegen 17 adam ákimshilik jaýapqa tartyldy. Zańsyz saqtalǵan úsh qarý men bir elektrli shoker anyqtaldy, dep zabarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, óńir aýmaǵynda «Qarý» jedel-profılaktıkalyq is-sharasy ótip jatyr.

«Іs-shara aıasynda turǵyndardan zańsyz saqtalǵan 1 tegis uńǵyly, 1 sholaq uńǵyly qarý, 1 elektrli shoker, 1 qoldan jasalǵan qarý tabyldy. Osyǵan baılanysty QR Qylmystyq kodeksiniń 287-babymen (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) 1 qylmystyq is tirkeldi. Al, 2 adam 482-bapqa sáıkes (Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy) ákimshilik jaýapkershilikke tartyldy», -dep málim etti departamenttiń baspasóz qyzmetinen.

Sondaı-aq, is-shara kezinde ishki ister organdarynyń esebinde turǵan azamattyq atys qarýy bar 1 304 adam turǵylyqty meken-jaıy boıynsha tekserildi. Tekserý nátıjesimen azamattyq atys qarýyn saqtaý tártibin buzǵany úshin 84, azamattyq atys qarýyn tirkeý nemese qaıta tirkeýden ótkizbegeni úshin 17 adam ákimshilik jaýapkershilikke tartyldy.

Eske sala ketelik, buǵan deıin Atyraýda teris dinı aǵymdy ustanatyn shetel azamaty oq-dárini zańsyz saqtaǵanyn habarlaǵan edik.