Atyraý oblysynda 82 myń adam medsaqtandyrýdan ótpegen
«Áleýmettik medıtsınalyq saqtandyrý qory» KEAQ Atyraý oblystyq fılıalynyń dırektory Sábıt Quralbektiń málimetinshe, óńirde bıylǵy 1 qarashaǵa deıin saqtandyrylmaǵan azamattar sany 82 373 adamdy quraǵan.
«Qazir tirkelgen 652 478 azamattyń 82 373-i (12,6%) saqtandyrylmaı otyr. On bes sanattaǵy jeńildigi bar azamattar biryńǵaı jıyntyq tólem tóleý arqyly 42 500 teńge kómek aldy. Al, biryńǵaı jıyntyq tólemdi zań boıynsha ózin-ózi qamtyǵan azamattar tóleýi tıis bolatyn. Osylaısha jeńildikti paıdalanatyn sanattaǵy azamattar óz statýsyn joǵaltyp aldy. Sonymen birge, Úkimettiń 20 sáýirdegi №224 qaýlysyna sáıkes shaǵyn jáne orta kásipkerliktiń 29 sanaty bıylǵy 1 qazanǵa deıin óz qyzmetkerleri úshin jarna tólemeı, tek tizimin derekqorǵa engizýi qajet edi. Biraq, barlyǵy birdeı tizimdi engizbeýine baılanysty qyzmetkerleri saqtandyrylmaı qalǵan», - dedi Sábıt Quralbek.
Onyń aıtýynsha, ásirese, jeke sektorda jumys isteıtin azamattardyń keıbiri aı saıynǵy jalaqyny qolma-qol alǵandyqtan saqtandyrylmaı otyr.
Alaıda, saqtandyrylmaǵan azamattar emhananyń tirkeý bóliminen medıtsınalyq saqtandyrý týraly keńes ala alady.
