Atyraý oblysynda 800 ata-ana balasyna Mantý synamasyn saldyrmaı qoıǵan
ATYRAÝ. QazAqparat – Atyraý oblysynda 800 ata-ana balasyna Mantý synamasyn saldyrtpaǵan, dep habarlaıdy QazAqparat tilshisi.
«Ótken jyly 800-den astam ata-ana óz balasyna Mantý synamasyn saldyrýǵa qarsy bolǵan. Sondaı-aq 2019 jyly 466 jańa týǵan nárestege týberkýlezge qarsy vaktsına salynbaǵan. Bul – sońǵy bes jyldaǵy rekordtyq kórsetkish. Vaktsınatsııa salynbaý sebebi – ata-analardyń dinı jáne basqa da nanym-senim boıynsha bas tartýy», - dep habarlady oblystyń taýarlar men qyzmetterdiń sapasy men qaýipsizdigin baqylaý departamentiniń bas mamany Zúlfııa Qaıredenova.
«Atyraý oblysy boıynsha 2019 jyly týberkýlezben alǵash ret aýyrǵan 426 jaǵdaı anyqtaldy, al 2018 jyly olardyń sany 469 bolǵan. Bul - respýblıkalyq kórsetkishten 32 paıyz joǵary. Medıtsınalyq qyzmetkerler men qalalyq jáne aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń mamandary juqpaly aýrýlarǵa qarsy vaktsınatsııanyń mańyzdylyǵy týraly halyqqa túsindirý jumystaryn júrgizýde. Ata-analarmen ótken kezdesýden keıin 52 balaǵa qosymsha BTsJ vaktsınasy jasaldy», - dedi Zúlfııa Qaıredenova.
