Atyraý oblysynda 8 jasar qyz ben júkti áıel koronavırýs juqtyrdy
ATYRAÝ. QazAqparat - Atyraý oblysynda 8 jasar qyz, júkti áıel men stýdent koronavırýs juqtyrdy, dep habarlaıdy TJ qamtamasyz etý jónindegi Jedel shtab.
Óńirde Covid-19 juqtyrǵandar sany 223 adamǵa jetti. 14 jańa jaǵdaıdyń arasynda 8 jasar Mahambet aýdanynyń turǵyny bar. Ol aýdandyq ortalyq aýrýhanada em qabyldaǵan. Kishkentaı qyzda koronavırýstyń bar ekendigi, PTR testileý nátıjesinde anyqtalyp, keıin is-áreketter algorıtmine sáıkes, ol ınfektsııalyq statsıonarǵa jatqyzyldy.
Sonymen qatar, naýqastardyń ishinde ınderlik 24 jastaǵy júkti áıel bar.
4 mamyr kúni Astrahannan kelgen 24 jasar stýdent te atalmysh dertpen aýrýhanaǵa túsken. Covid-19 anyqtalǵanǵa deıin jigit karantındik statsıonarda jatqan.
Qazirgi ýaqytta naýqastardyń ınfektsııa oshaqtary anyqtalyp, olarmen baılanysta bolǵan adamdar anyqtalýda.
Al, qalǵan 11 naýqas týraly aqparat keıinirek jarııalanatyn bolady.
