Atyraý oblysynda 8 myńnan astam kásipkerlik nysan Ashyq júıesine qosyldy
«Oblys boıynsha 13 qyrkúıektegi derekke sáıkes, Ashyq júıesine qosylǵan 8409 kásipkerlik nysan óz jumysyn jalǵastyryp jatyr. Olardyń jumys barysy qadaǵalanyp otyrady. Qyrkúıek aıynda óńirdegi Ashyq júıesimen jumys istep turǵan 4848 nysan tekserilip, onyń 292-i sonǵy 2 apta boıyn júıeni qoldanbaýyna baılanysty 2 apta merzimge baǵdarlamadan shyǵarylyp otyr», - dedi Atyraý oblysy ákiminiń orynbasary Baqytgúl Hamenova OKQ-de ótken baspasóz máslıhatynda.
Sondaı-aq, ákim orynbasary óńirdegi búgingi epıdahýalǵa toqtalyp ótti.
«Oblysta indet bastalǵaly 49500 adamnan COVID-19 koronavırýs ınfektsııasy anyqtaldy. Sońǵy táýlik ishinde 98 jaǵdaı tirkelip otyr. Jalpy búginde KVI-ge shaldyqqan naýqastardyń 93% saýyǵyp shyqty. Óńirde koronavırýs ınfektsııasynyń taralýy sońǵy bir aı kóleminde onyń aldyndaǵy aımen salystyrsaq 5,6 ese tómendep otyr», - deıdi ol.
Spıker bergen málimetke súıensek, atalǵan aımaqta 624 oryndyq ınfektsııalyq statsıonar ázirlendi, onyń 40-y - reanımatsııalyq tósek-oryn.
Qazirgi tańda ınfektsııalyq statsıonarda 518 naýqas em alyp jatyr jáne oblys boıynsha tósek-oryn júktemesi - 22%.
