Atyraý oblysynda 8 myńnan asa nysan Ashyq qosymshasyna qosylǵan
Atyraý oblystyq sanıtarııalyq-epıdemıologııalyq baqylaý departamentiniń bólim basshysy Aısulý Dosqalıevanyń aıtýynsha, Ashyq qosymshasyn paıdalaný koronavırýs ınfektsııasynyń taralýyn tejeýge yqpal etip otyr.
«Budan buryn Ashyq qosymshasyna qosylýdyń nátıjesinde 253 adamnyń «qyzyl» mártebesi anyqtalǵan edi. Al, sary mártebesi bar 1 378 adam oqshaýlandy. Qazir 8 735 kásipkerlik nysany Ashyq qosymshasymen jumys isteıdi. Osynyń nátıjesinde koronavırýs ınfektsııasynyń taralýy azaıyp, Atyraý oblysy «jasyl» aımaqta tur. Ótken táýlikte óńirde qaýipti vırýstyń juqtyrýdyń 3 jaǵdaıy tirkeldi. Sovid-19 ınfektsııasynan 6 adam ınfektsııadan jazylyp shyqty. Tek 1 adam koronavırýstan kóz jumdy» -dep málim etti Aısulý Dosqalıeva.
Eske sala ketelik, buǵan deıin Atyraý oblysynda 8 myńǵa jýyq adam revaktsınatsııa jasaǵanyn jazǵan edik.