Atyraý oblysynda 8 myńǵa jýyq adam revaktsınatsııa jasady
Oblystyq densaýlyq saqtaý basqarmasynyń baspasóz qyzmetinen málim etkendeı, 1 aqpannan 28 jeltoqsanǵa deıin vaktsınalardyń І komponentin 257 256 adam saldyrǵan. Al, vaktsınalardyń ІІ komponentin alǵan adamdardyń sany 238 796-ǵa jetken.
«Atyraý oblysynyń dárigerleri turǵyndar arasynda Covid-19 ınfektsııasyn tejeýdiń basty joly vaktsına saldyrýdyń mańyzy týraly aqparattyq túsindirý jumysyn júrgizip keledi. Osyndaı is-sharanyń nátıjesinde 20 qarashadan beri Rfizer ekpesin 2 472 adam saldyrdy. Onyń ishinde 131 júkti áıel men bala emizip otyrǵan 1 276 ana bar. Atalǵan vaktsınany12-18 jas aralyǵynda 1 065 jasóspirim aldy. Al, qaıta vaktsınalaýdan 7 950 adam ótti», -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda revaktsınalaýdan 6 myńnan astam adam ótkenin jazǵan bolatynbyz.
