Atyraý oblysynda 8 mektep pen 11 balabaqsha salynyp jatyr
ATYRAÝ. QazAqparat – Atyraý oblysynda 8 mektep pen 11 balabaqsha salynyp jatyr, dep habarlaıdy QazAqparat.
Oblys ákimi Mahambet Dosmuhambetovtiń málimetinshe, bıyl 3 mektep pen 6 balabaqshanyń qurylysy bastalady.
Onyń ishinde, Atyraý qalasynyń «Kóktem» shaǵyn aýdanynda 160 oryndyq balabaqsha men Inder aýdany Esbol aýylyndaǵy 320 oryndyq mekteptiń qurylysy bar.
«Bıyl balabaqsha jáne 5 mekteptiń qurylysy aıaqtalady. Nátıjesinde 3 170 búldirshin balabaqshamen qamtylyp, 4 myńnan astam oqýshy jańa mektepke barady» dedi oblys ákimi Mahambet Dosmuhambetov.
Onyń málimetinshe, byltyr mektepke deıin tárbıe beretin 9 nysan ashylyp, 2 mekteptiń qurylysy aıaqtalǵan.
Sonyń nátıjesinde 1 360 bala balabaqshamen qamtylyp, 1 apatty, 1 úsh aýysymdy mektepke jańa ǵımarat salynǵan.
Oblys pedagogtarynyń qatary 309 mamanmen tolyqqan.
Eske sala ketelik, budan buryn Atyraý oblysynda 10 medıtsınalyq nysan paıdalanýǵa berilgenin habarlaǵan edik.
