Atyraý oblysynda 8 aıda jasóspirimderge qarsy 80 qylmys jasalǵan

ATYRAÝ. QazAqparat – Atyraý oblysynda 8 aıda jasóspirimderge qarsy jasalǵan 80 qylmys tirkelgen, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, jasóspirimderge qarsy jasalatyn qylmystyń sany byltyrǵydan 70,2 paıyzǵa ósken.

«Atyraý oblysynda byltyrǵy 8 aıda jasóspirimderge qatysty 47 qylmys tirkelgen edi. Al, bıylǵy 8 aıda osyndaı 80 qylmys tirkeldi. Tirkelgen qylmystardyń basym bóligi kámeletke tolmaǵandarmen jynystyq qarym-qatynasqa baılanysty bolyp otyr. Onyń ishinde QR Qylmystyq Kodeksiniń 120-babymen – 14, 121babymen – 10, 122-babymen – 21, 123 babymen – 1, 124 babymen 9 qylmys jasalǵany anyqtaldy» -dep habarlady departamenttiń baspasóz qyzmeti.

Eske sala ketelik, budan buryn Atyraýda jasóspirimderge qarsy jasalatyn qylmys sany kóbeıgenin jazǵan bolatynbyz.