Atyraý oblysynda 8,4 mlrd teńgeniń 40 bıznes jobasy maquldandy
«Atameken» UKP óńirlik fılıalynda shaǵyn jáne orta bıznestiń uzaq merzimdi
baǵdarlamasyn júzege asyrý úshin «qarapaıym zattar» ekonomıkasyn damytý jónindegi jobalyq keńse jumys isteıdi.
«Jobalyq keńse turaqty negizde qarjylandyrý maquldanǵan jobalarǵa monıtorıng júrgizedi. Jańa jobalar izdestiredi. Problemalyq máselelerdi talqylaıdy.
Sondaı-aq baǵdarlamanyń iske asyrylýyn jaqsartý úshin bıznes sýbektileriniń usynystaryn saralaıdy. Jobalyq keńseniń usynysymen baǵdarlamaǵa asbesttsement pen talshyqty tsementten jasalǵan buıymdar, plastıkalyq buıymdar, betonnan jasalǵan qurylys buıymdary óndirisi qosymsha engizildi. Jobalyq keńseniń qorjynynda jalpy somasy 33,3 mlrd teńgeni quraıtyn 104 joba bar. Onyń ishinde jalpy somasy 8,4 mlrd teńge bolatyn 40 joba maquldandy», - deıdi óńirlik fılıaldyń jobalardy qoldaý bóliminiń basshysy Erkinbek Qarakeshev.
Onyń aıtýynsha, jobalar tolyq iske asyrylǵan kezde ımporttyń úlesi edeýir tómendeıtini kútilip otyr. Máselen, jeńil ónerkásipte 71%-dan 60%-ǵa, tamaq ónerkásibinde 54%-dan 40%-ǵa, qurylys materıaldary óndirisinde 74%-dan 65%-ǵa, al hımııa ónerkásibinde 55%-dan 40%-ǵa deıin tómendeıdi.
Eske sala ketelik, budan buryn Atyraýda 33 mlrd teńgeniń jobalary iske asyrylyp jatqanyn jazǵan bolatynbyz.
