Atyraý oblysynda 73 jastaǵy keıýana órtten kóz jumdy
ATYRAÝ. QazAqparat - Atyraý oblysynda jeke sektordaǵy úı órtenip, 73 jastaǵy zeınetker kóz jumdy, dep habarlaıdy QazAqparat tilshisi.
«Qurmanǵazy aýdanynyń Qurmanǵazy aýylynda jeke menshik úı órtke orandy. Tótenshe oqıǵa týraly habarlama saǵat 16:25-te kelip tústi. Órt sóndirýshiler kelip jetkenshe aýmaǵy 120 sharshy metr bolatyn úıdi túgelge jýyq jalyn sharpyp úlgergen edi. 17:13-te órt aýyzdyqtalyp, keshki saǵat 18:32-de tolyǵymen sóndirildi. Ókinishke qaraı, tilsiz jaýdan 73 jastaǵy qarııa qaza tapty. Órtti sóndirýge jeke quramnyń 2 tehnıkasy men 7 qyzmetkeri jumyldyryldy», - dep málim etti Atyraý oblystyq TJD baspasóz qyzmetinen.
Qazirgi tańda kisi ólimine qatysty tergeý júrip jatyr.
