Atyraý oblysynda 71 adamnan koronavırýs anyqtaldy
ATYRAÝ. QazAqparat – «Qyzyl» aımaqqa qaıta oralǵan Atyraý oblysynda bir táýlikte 71 adamnan koronavırýs anyqtaldy, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmeti taratqan málimetke súıensek, qaýipti indetke Atyraý qalasynan 15 adam shaldyqqan. Al Teńiz kenishinde 46 jumysshydan, Jylyoı aýdanynda – 3, Qurmanǵazy aýdanynda 7 adam koronavırýs juqtyrǵan. Covid-19 ınfektsııasynyń sımptomdy túri 8 naýqastan tabylǵan.
«Sońǵy málimetke sáıkes, ótken táýlikte koronavırýs ınfektsııasynan 66 adam emdelip shyqty. Qazir úı jaǵdaıynda emdelip jatqan 310 naýqas bar. Oblystyq ınfektsııalyq statsıonarda 102, aýdandardaǵy statsıonarlarda 39, Teńiz kenishindegi statsıonarda 718 adam em qabyldap jatyr», - dep habarlady basqarmanyń baspasóz qyzmeti.
