Atyraý oblysynda 7,6 myń medıtsına qyzmetkeri vaktsına aldy

ATYRAÝ. QazAqparat – Atyraý oblysynda koronavırýs ınfektsııasyna qarsy vaktsınany 7,6 myń medıtsına qyzmetkeri aldy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine qaraǵanda, ótken táýlik – 3 qarashada Covid-19 ınfektsııasyna qarsy qoldanylatyn vaktsınanyń І komponentin 406 adam saldyrǵan.

«Atyraý oblysynda turǵyndarǵa qaýipti vırýsqa qarsy vaktsınalardy egý jalǵasyp jatyr. Bıylǵy 1 aqpan men 3 qarasha aralyǵyndaǵy kezeńde vaktsınalardyń І komponentin atyraýlyq 241 374 adam ektirdi. Onyń ishinde 14 myńnan astam pedagog pen 6 myńnan asa stýdent bar. Sondaı-aq, vaktsına saldyrǵan medıtsına qyzmetkerleriniń sany 7 664-ti qurap otyr. Óńirde vaktsınalardyń II komponentin alǵan adamdardyń qatary 217 908-ge jetti» -dep habarlady basqarmanyń baspasóz qyzmeti.

Eske sala ketelik, buǵan deıin Atyraýda koronavırýs juqtyrǵan 13 naýqas jansaqtaý bóliminde jatqanyn jazǵan edik.