Atyraý oblysynda 7 358 adam Pfizer vaktsınasyn saldyrdy

ATYRAÝ. QazAqparat – Atyraý oblysynda 7 358 adam Pfizer vaktsınasyn saldyrdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, dárigerler turǵyndarǵa vaktsına saldyrýdyń mańyzy týraly aqparattyq túsindirý jumysyn jandandyrǵan.
«Osyndaı is-sharanyń nátıjesinde byltyrǵy 1 aqpannan beri COVID-19 ınfektsııasyna qarsy vaktsınalardyń І komponentin alǵan atyraýlyqtardyń sany 269 198 adamǵa jetti. Vaktsınalardyń ІІ komponentin 255 337 adam ektirdi. Al, Pfizer vaktsınasyn 7 358 adam saldyrdy. Onyń ishinde 12-18 jastaǵy 3 980 jasóspirim, bala emizip otyrǵan 3 980 ana men 359 júkti áıel bar», -dep habarlady basqarmanyń baspasóz qyzmeti.
Sondaı-aq, búgige deıin qaıta vaktsınalaýdan 45 226 adam ótken.