Atyraý oblysynda 660 myńnan astam turǵyn emhanaǵa tirkelgen
«Áleýmettik medıtsınalyq saqtandyrý qory» Atyraý oblysy boıynsha fılıalynyń dırektory Baıtolla Ǵazızovtyń málimetinshe, 15 qyrkúıek-15 qarasha aralyǵynda bastapqy medıtsınalyq sanıtarlyq kómek uıymdaryn tańdaý naýqany bastalǵan.
«Bul naýqan jyl saıyn ótkiziledi. Tirkelý jáne emhanany erkin tańdaý múmkindigi konsýltatsııalyq-dıagnostıkalyq qyzmetterge, aýrýhanada jatyp emdelýge, kez kelgen josparly medıtsınalyq qyzmetterdiń kórsetilýine, medıtsınalyq joldamalardy qosa alǵanda, densaýlyq saqtaý salasynda medıtsınalyq kómek alýǵa quqyq beredi. Qazir óńirdegi emhanalarǵa 660 992 adam tirkeldi. Onyń ishinde 1 725 sheteldik, 10 qandas, aýyldardyń 360 157 turǵyny bar», -deıdi Baıtolla Ǵazızov.
Eske sala ketelik, budan buryn Atyraý oblysynyń turǵyndary MÁMS esebinen kúrdeli ota jasatqanyn jazǵan bolatynbyz.
