Atyraý oblysynda 66 jastaǵy er adam joǵalyp ketti
ATYRAÝ. QazAqparat – Atyraý oblysynda 66 jastaǵy er adam joǵalyp ketti, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, bul týraly keshe, 12 aqpanda jergilikti ýaqytpen saǵat 9:15-te habar túsken.
«Jylyoı aýdanynyń ortalyǵy – Qulsary qalasynan 90 shaqyrym qashyqtyqta ornalasqan «Saryqasqa» ýchaskesinen 66 jastaǵy shopan 27 qańtarda joǵalyp ketken. Ol Qulsary qalasyna qaraı jaıaý shyqqan. Biraq, sodan beri Qulsary qalasyna jetpegen, ne qystaqqa keri oralmaǵan. Іzdestirý jumystary «Úlken tóbe», «Saryqasqa» jáne «Bekjal» ýchaskelerinde júrgizildi», -dep habarlady departamenttiń baspasóz qyzmeti.
Іz-túzsiz joǵalǵan qart adamdy izdestirýge departamenttiń 3 qyzmetkeri men 1 tehnıkasy, aýdandyq polıtsııa bóliminiń 4 qyzmetkeri, jergilikti 1 turǵyn qatysty.
Eske sala ketelik, budan Atyraý oblysynda jyl basynan beri 5 adam joǵalyp ketkenin habarlaǵan edik.
