Atyraý oblysynda 65 jastaǵy zeınetker izdestirilip jatyr
ATYRAÝ. QazAqparat – Atyraý oblysynda iz-túzsiz joǵalyp ketken 65 jastaǵy zeınetkerdi izdep jatyr, dep habarlaıdy QazAqparat.
Mahambet aýdanynyń Beıbarys aýylynda turatyn 1957 jyly týǵan er adam keshe, 28 qańtarda saǵat keshki 19:30-da úıinen shyǵyp ketip, keri oralmaǵan. Sodan beri joǵalǵan zeınetkerden bir derek bolmaı tur.
Týystary zeınetkerdiń joǵalǵany týraly Tótenshe jaǵdaılar departamentine 29 qańtar kúni saǵat 00:15-te habar bergen.
«Kesheden beri otbasyna oralmaǵan er adamdy izdeý jergilikti ýchaskelik polıtsııa ınspektorlarymen birge júrgizilip jatyr. Joǵalǵan zeınetkerdi izdeýge Mahambet aýdandyq №11 órt sóndirý bóliminiń jedel qutqarý jasaǵynan 11 qyzmetker, 2 qyzmettik ıt pen 2 arnaıy tehnıka tartyldy», - dep habarlady departamenttiń baspasóz qyzmetinen.
Eske sala ketelik, buǵan deıin Atyraýda joǵalǵan 9 jasar balanyń denesi sýdan tabylǵanyn jazǵan bolatynbyz.
