Atyraý oblysynda 60 jastaǵy er adam joǵalyp ketti
ATYRAÝ. QazAqparat –Atyraý oblysynyń Qurmanǵazy aýdanynda 60 jastaǵy er adam joǵalyp ketti, dep habarlaıdy QazAqparat.
Oblystyq Tótenshe jaǵdaılar departamentin baspasóz qyzmetiniń málimetinshe, 21 jeltoqsanda saǵat 15:55-te er adamnyń joǵalǵany týraly habar túsken.
«Shortanbaı aýylyndaǵy jumysynan shyqqan 60 jastaǵy azamat Kóptoǵaı aýylyna barmaq bolǵan. Biraq úıine jetpeı joǵalyp ketken» -dep habarlady departamenttiń baspasóz qyzmetinen.
Joǵalǵan azamatty izdestirý jumysyna Qurmanǵazy aýdandyq tótenshe jaǵdaılar bóliminiń, aýdandyq polıtsııa bólimi men Shortanbaı, Kóptoǵaı aýyldyq okrýgteriniń qyzmetkerleri, sondaı-aq, jergilikti turǵyndardan 65 adam jumyldyrylǵan.
