Atyraý oblysynda 6 ottegi stansasy salynyp jatyr
ATYRAÝ. QazAqparat – Atyraý oblysynda 6 ottegi stansasy salynyp jatyr, dep habarlaıdy QazAqparat tilshisi.
Oblystyq densaýlyq saqtaý basqarmasynyń basshysy Nurlybek Qabdyqaparovtyń málimetine súıensek, oblystyq aýrýhanada, №2 oblystyq aýrýhanada, oblystyq kardıologııalyq ortalyq pen Qurmanǵazy, Jylyoı, Qyzylqoǵa aýdandyq aýrýhanalarynda ortalyqtandyrylǵan ottegi stansasynyń qurylys-montaj jumystary júrgizilip jatyr.
«Sonymen qatar, Inder, Isataı aýdandyq aýrýhanalarynda ottegi stansasyn ornatýdy qarjylandyrý máselesi qaralýda», - dedi Nurlybek Qabdyqaparov.
Onyń aıtýynsha, buǵan deıin oblystyń medıtsınalyq uıymdary 224 ókpeni jasandy jeldetý, 27 rentgen, 10 kompıýterlik tomografııa, 977 ottegi generatorymen, sondaı-aq, 1100 pýlsoksımetrmen qamtamasyz etilgen. Jeke qorǵanysh quraldarynyń eki aılyq qory bar. Dári-dármek qory jetkilikti.
Eske sala ketelik, buǵan deıin Atyraýda medıtsına qyzmetkerlerine 2 mlrd teńgeden astam ústemeaqy tólengen edi.
