Atyraý oblysynda 6 myń gektar jaıylym órtenip ketti
ATYRAÝ. QazAqparat - 28-30 shilde kúnderi Atyraý oblysynda 6 myń gektar jaıylymdyq jer otqa orandy, dep habarlaıdy «QazAqparat» HAA tilshisi.
«Dala órti Qyzylqoǵa aýdanynyń shamamen 3,5 myń gektar jeri men Inder aýdanyndaǵy 2,5 myń gektar jaıylymdyq jerdi sharpydy. Inder aýdanyndaǵy órtti aýyzdyqtaýǵa TJ departamentiniń bólimsheleri men erikti órt sóndirý qurylymdarynan barlyǵy 45 adam jáne 13 tehnıka jumyldyryldy. Qyzylqoǵa aýdanyndaǵy tilsiz jaýdy 4 tehnıkanyń kómegimen 15 adam sóndirdi», - dep habarlady oblystyq TJ departamentiniń baspasóz qyzmeti.
Órt jeksenbi kúni keshke tolyqtaı sóndirilip bitti. Alaıda, tilsiz jaýdyń jańa oshaqtarynyń shyǵý qaýpi áli de bar.
