Atyraý oblysynda 6 aıda 1 jasqa deıingi 64 náreste ólimi tirkelgen
Atyraý oblystyq densaýlyq saqtaý basqarmasynyń basshysy Qaısar Abdalıevtyń aıtýynsha, bıylǵy 6 aıda bala óliminiń kórsetkishi 5 ese tómendegen.
«Bıylǵy jyldyń 6 aıynda 1 jasqa deıingi náreste óliminiń 64 jaǵdaıy tirkeldi. Náreste ólimi byltyrǵy jyldyń sáıkes kezeńimen salystyrǵanda, bes esege tómendedi. Sábı óliminiń birneshe sebebi bar. Máselen, onyń 70 paıyzy perınataldyq kezeńde týyndaıdy. Týa bitken aqaýlarlar bolatyn jaıt 8 paıyzdy quraıdy. Nárestelerdiń 6 paıyzy tynys alý organdarynyń aýrýynan, 6 paıyzy jazataıym oqıǵalar men ýlanýdan, ınfektsııalyq aýrýlardan kóz jumady. Al, basqa sebepten – 3 paıyz», -dep habarlady Qaısar Abdalıev.
Onyń aıtýynsha, byltyrǵy 6 aıda 8 080 náreste ómirge kelgen. Al, bıylǵy osyndaı kezeńde dúnıe esigin ashqan sábıler sany – 7 973.
Sondaı-aq, jyl basynan beri ana óliminiń 2 deregi tirkelgen.
Eske sala ketelik, byltyr Atyraýda bir kúnde eki júkti áıel aýrýhanada qaıtys bolǵanyn habarlaǵan edik.
Oblystyq densaýlyq saqtaý basqarmasy basshysynyń orynbasary Janar Sadýovanyń aıtýynsha, kóz jumǵan júkti áıeldiń biri – 33, al, ekinshisi 34 jasta bolǵan. Maqat aýdanynda turatyn ekeýiniń artynda balalary qalǵan.
