Atyraý oblysynda 5774 adam Pfizer vaktsınasyn saldyrdy
Oblystyq densaýlyq saqtaý basqarmasynyń baspasóz qyzmetinen málim etkendeı, byltyrǵy 1 aqpannan beri vaktsınalardyń I komponentin ektirgenderdiń sany 265 948 adamǵa jetken.
«Osy kezge deıin COVID-19 ınfektsııasyna qarsy vaktsınalardyń II komponentin 248 884 adam saldyryp otyr. Óńirde Pfizer ekpesin 5 774 adam saldyrdy. Onyń ishinde 12-18 jas aralyǵyndaǵy 3 038 jasóspirim, bala emizip otyrǵan 2 464 ana men 272 júkti áıel bar», -dep málim etti basqarmanyń baspasóz qyzmetinen.
Byltyrǵy 23 qarashada bastalǵan revaktsınalaýdan ótetin adamdar qatarynda dárigerler men polıtsııa qyzmetkerleri, muǵalimder, quqyq qorǵaý organdary men arnaıy mekemelerdiń qyzmetkerleri, memlekettik qyzmetshiler, sondaı-aq, sozylmaly syrqaty bar patsıentter bar.
Osy sanattaǵylardan 28 361 adam qaıta vaktsınalaýdan ótken.
Eske sala ketelik, buǵan deıin Atyraý oblysynda Pfizer vaktsınasyn 5 516 adam saldyrǵan bolatyn.
