Atyraý oblysynda 51 myń adam vaktsına saldyrdy
ATYRAÝ. QazAqparat – Atyraý oblysynda 51 511 adam koronavırýs ınfektsııasyna qarsy vaktsına saldyrdy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetinen málim etkendeı, 25 mamyrda «Spýtnık V», «QazVac» jáne «Hayat-Vax» vaktsınalarynyń І komponentin jergilikti 908 turǵyn saldyrǵan.
«Óńirde 1 aqpan-25 mamyr aralyǵynda koronavırýs ınfektsııasyna qarsy vaktsınalardyń І komponentin saldyrǵandardyń sany 51 511 adamǵa jetti. Al, vaktsınalardyń ІІ komponentin 20 712 adam aldy» -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynda koronavırýs ınfektsııasyn juqtyrǵan 27 naýqas jansaqtaý bóliminde jatqanyn habarlaǵan edik.
