Atyraý oblysynda 5 myńnan astam túlek mektep bitirdi
ATYRAÝ. QazAqparat - Atyraý oblysynda 5 183 túlek úshin mektep sońǵy qońyraý soǵyldy, dep habarlaıdy QazAqparat tilshisi.
Oblystyq bilim berý basqarmasynyń málimeti boıynsha, bıyl 116 095 oqýshy oqý jylyn támamdady. Onyń 5 183-i mektep bitirýshi. 3 935 túlek Ulttyq biryńǵaı testileýge qatysýǵa yqylas tanysqan. Aımaqta 153 oqýshy «Altyn belgige», 91 oqýshy «Úzdik attestatqa» úmitker.
Al, jıyrma bes jyldyq tarıhy bar «Bilim-Innovatsııa» lıtseı-ınternatyn 49 shákirt bitiredi.
Sońǵy qońyraý sharasyna qatysqan oblys ákimi Nurlan Noǵaev jas órenderge sát sapar tiledi.
«Memleket basshysy óz sózderinde jastarymyz álemdik arenada básekege qabiletti bolýy qajettigin jıi aıtyp keledi. Munyń negizgi krıterııleriniń biri - sapaly bilim alý. Búgingi kúni oblys mektepterinde bul úshin barlyq jaǵdaı jasalǵan. Biz mektepterdiń sanyn kóbeıtýdemiz, oqý oryndarynyń materıaldyq-tehnıkalyq bazasyn jaqsartýdamyz. Osy sátti paıdalana otyryp, aǵymdaǵy oqý jylyn bitirýshilerdi quttyqtaımyn, olarǵa jetistikter, bilimge degen qushtarlyq pen jeńister tileımin», - dedi oqýshylarǵa arnap sóılegen sózinde N. Noǵaev.
Lıtseı dırektorynyń orynbasary Nurbek Amanovtyń aıtýynsha, 2017-2018 oqý jylynda oqý orny úshin jaqsy kórsetkishtermen aıaqtaldy.
«Osy oqý jylynyń túlekteri oblystyq olımpıadalarda 45 júldeli oryndy ıelendi. Respýblıkalyq deńgeıde 12 oqýshy túrli jarystar men olımpıadalarda júldeli oryn aldy. Halyqaralyq deńgeıde 15 oqýshy bilim berý konkýrstarynyń júldegeri atandy», - dedi dırektordyń oqý bólimi jónindegi orynbasary Nurbek Amanov.
Lıtseıdiń úsh túlegi Gonkong jáne Kanada ýnıversıtetterine oqýǵa tússe, 12 túlek Nazarbaev Ýnıversıtetine tikeleı grant aldy.
