Atyraý oblysynda 5 aýdanǵa jańa jedel járdem kólikteri berildi
ATYRAÝ. QazAqparat –Atyraý oblysynyń bes aýdanyndaǵy medıtsına mekemelerine «ÝAZ» markaly 12 jedel járdem kóligi berildi, dep habarlaıdy QazAqparat.
Oblys ákimi Mahambet Dosmuhambetovtiń aıtýynsha, budan buryn oblystyq jedel járdem stantsııasy 22 kólikpen tolyqty.
«Jaqynda Inder, Isataı, Qyzylqoǵa, Maqat jáne Mahambet aýdanyna jyljymaly dıagnostıkalyq medıtsınalyq zerthana kesheni berildi. Qazir aýdandardaǵy dıagnostıkalyq medıtsınalyq keshende dárigerler kúnine 150 adamdy qabyldap, 60-tan astam aýrýǵa dıagnoz qoıa alady. Oblystyq obaǵa qarsy kúres stantsııasy jyljymaly PTR-zerthanamen qamtyldy. «Kaspıı qubyr konsortsıýmy» AQ-nyń demeýshiligimen 12 «ÝAZ» markaly jedel járdem kóligin alyndy», - dedi oblys ákimi Mahambet Dosmuhambetov.
«Kaspıı qubyr konsortsıýmy» AQ bas dırektorynyń orynbasary Qaıyrgeldi Qabyldınniń aıtýynsha, jyl saıyn áleýmettik áriptestik aıasyndaǵy jobalarǵa 3 mln dollar bólinedi.
«Áleýmettik baǵdarlamanyń sheńberinde balabaqsha, mektep, aýrýhanalar, demalys oryndary, sport alańdary salynyp jatyr. Jyl aıaǵyna deıin medıtsına mekemelerine Kompıýterlik tomograftardy alyp berýdi josparlap otyrmyz», - dedi Qaıyrgeldi Qabyldın.
Eske sala ketelik, budan buryn Atyraý oblysynyń bes aýdanyna jyljymaly zerthanalar berilgenin habarlap edik.
